Літаратурная Беларусь

Яго прозвiшча ў беларускага чытача можа пакуль асацыявацца найперш цi з маркай пiсталета нямецкай вытворчасцi, цi — у лепшым выпадку — з iмем англiйскага раманiста-гiсторыка Скота, або з творцам-асветнiкам Вальтэрам. Аднак яшчэ на пачатку ХХ стагоддзя такое прозвiшча мелi шматлiкiя сем’i латгальскiх беларусаў Дзвiншчыны, у 20-х гадах з волі неспрыяльных палiтычных абставiнаў адмежаваныя ад Беларусi-метраполii. У адной з такiх сем’яў 15 лiпеня (яшчэ «старога» стылю) 1902 года ў Дзвiнску (цяпер Даўгаўпiлс) i нарадзiўся Вiктар Вальтар — i займеў скрушны лёс мастака-сухотнiка, а калi спатрэбiўся псеўданiм, згадаў не менш трагiчнае для Беларусi — Янка Палын. (Алесь Пашкевіч, Віктар Вальтар, роджаны пад Сатурнам. 120 гадоў з дня нараджэння, фрагмент)