Навіны для Беларусі

Кампанія за зніжэнне кошту Шэнгенскіх віз для грамадзян Беларусі Кампанія, распачатая еўрапейскімі дэпутатамі Генавефай Грабоўскай (Польшча), Юстасам Палецкісам (Літва) і Ханэсам Свобадам (Аўстрыя) пад лозунгам “Say YES to Cheaper Visas for Belarusians” (“Скажы “ТАК” таннейшым візам для беларусаў”), была актыўна падтрымана “Офісам за дэмакратычную Беларусь” у Бруселі. На 13 сакавіка было сабрана 118 подпісаў сяброў ЕП пад Дэкларацыяй № 12, якая прапануе знізіць кошт Шэнгенскіх віз для беларускіх грамадзян. Калі подпісаў будзе больш за 391, дэкларацыя накіруецца для разгляду ў Раду Еўразвязу і Еўракамісію. Наша арганізацыя зладзіла збор подпісаў у падтрымку кампаніі сярод беларускіх НДА, палітычных партый і медыя асацыяцый. Падчас парламенцкіх сесій ў Страсбуры, што праходзілі 18-21 лютага, а таксама 10-14 сакавіка супрацоўнікі Офіса інфармавалі еўрадэпутатаў пра высокія кошты Шэнгенскіх віз для беларусаў і складаную працэдуру іх атрымання.