Гісторыя Беларускай ССР

У чацвёртым томе «Гісторыі Беларускай ССР» разглядаюцца падзеі, якія адбыліся ў жыцці беларускага народа напярэдадні і ў гады Вялікай Айчьіннай вайны Савецкага Саюза. Яны ахопліваюць параўнальна невялікі, але багаты гістарычным зместам перыяд — з 1938 да 1945 г. Том складаецца з двух частак. У першай частцы адлюстраваны далейшае развіццё народнай гаспадаркі і культуры рэспублікі, рост матэрыяльнага дабрабыту беларускага народа напярэдадні вайны. Тут таксама паказана барацьба працоўных Заходняй Беларусі супраць сацыяльнага і нацыянальнага прыгнёту, за ўз’яднанне ў адзінай Савецкай сацыялістычнай дзяржаве, вызваленчы паход Чырвонай Арміі і першыя сацыялістычныя пераўтварэнні ў заходніх абласцях рэспублікі. (Прадмова, фрагмент)