Гісторыя Беларускай ССР

Трэці том «Гісторыі Беларускай ССР» ахоплівае адзін з найболын важных перыядаў у гісторыі беларускага народа — ад падрыхтоўкі і правядзення Вялікай Кастрычніцкай сацыялістычнай рэвалюцыі да пабудовы сацыялізму ў нашай краіне. Сацыялістычная рэвалюцыя ў Расіі, здзейсненая рабочым класам і бяднейшым сялянствам пад кіраўніцтвам Камуністычнай партыі, апавясціла аб пачатку новай эпохі ў сусветнай гісторыі — эпохі крушэння капіталізму і перамогі сацыялізму. Яна назаўсёды знішчыла панаванне эксплуататарскіх класаў у нашай краіне і перадала ўладу ў рукі працоўнага народа, стварыла першую ў свеце сацыялістычную дзяржаву, заснаваную на прынцыпах сапраўднай дэмакратыі і народаўладдзя. У Праграме КПСС гаворыцца: «Прарваўшы фронт імперыялізму ў Расіі — адной з буйнейшых краін свету, Вялікі Кастрычнік устанавіў дыктатуру пралетарыяту, стварыў новы тып дзяржавы — Савецкую сацыялістычную дзяржаву, новы тып дэмакратыі — дэмакратыю для працоўных». (Прадмова, фрагмент)