Выпадак з Майлзам Дэвісам

У менскім метрапалітэне яшчэ не было вялікіх відэаманітораў, што ўвесь час паказваюць кліпы папулярных выканаўцаў. Не было таксама вялізных рэкламных шчытоў, на якіх прысутнічаюць толькі «брэнды», «акцыі» ды «прома-кампаніі» (дэзадаранты, пракладкі ды новыя альбомы мясцовых поп-зорак). Аднак рэкламы ў той час, у сярэдзіне 90-х, таксама хапала: на апорных слупах станцый метро то тут, то там трапляліся прыклееныя «Феніксам» старонкі з нататнікаў ці сшыткаў — аб’явы кшталту «Прымаю каляровы метал», «Прадам бульбу», «Куплю гадзіннікі, манеты, іконы», «Здам пакой дзвюм студэнткам»… (фрагмент)