Грамадзянская альтэрнатыва

Чэхія, Польшча, Венгрыя атрымалі запрашэнне ўступіць у элітны ваенны клуб. Славенія — пакуль толькі ў ЕС. Як узнагароду за стараннасць, руплівасць, цяжкую працу і прарыў у новую, капіталістычную будучыню. Вацлаў Клаус, былы прэм’ер Чэхіі, ужо тры гады таму казаў гасцям, якія прыехалі прасачыць працэс пераходу ад цэнтралізаванай планавай эканомікі да рынку, што яны спазніліся — працэс даўно завяршыўся. Галасы з Венгрыі і ГІольшчы гучалі менш самаўпэўнена, але эйфарыі наконт вынікаў эканамічных пераўтварэнняў хапала. Пакінуўшы далёка ззаду краіны былога Савецкага Саюза, суседзяў па СЭУ, перадавая тройца пераключылася на вырашэнне знешнепалітычных задач, якія ёй падаюцца прыярытэтнымі. Размова перш за ўсё ідзе пра ўступленне ў НАТА, мерапрыемстве дастаткова дарагім. Аднак уступленне першай пяцёркі краін Цэнтральнай і Усходняй Еўропы ў ЕС раней 2004 года з’яўляецца праблематычным. (Я. Раманчук, Параўнальны аналіз рэалізацыі асноўных эканамічных мадэляў, фрагмент)