Грамадзянская альтэрнатыва

Перад вамі першы нумар новага часопіса. Вядома, што кожнае выданне павінна задавальняць пэўныя грамадскія запатрабаванні. У Беларусі выходзіць некалькі часопісаў, якія спецыялізуюцца ў сферы гуманітарных навук і якія выдаюцца недзяржаўнымі даследчымі інстытутамі і цэнтрамі. Аднак яны не запаўняюць вакуум у сэнсе аналітычных матэрыялаў. Неабходнасць у іх дыктуецца аб’ектыўнымі гістарычнымі ўмовамі, у якіх апынулася наша грамадства. Вопыт іншых дзяржаў сведчыць, што чым вастрэйшы крызіс, у якім знаходзіцца краіна, тым большая патрэба ў глыбокім філасофскім, паліталагічным, сацыяльна-эканамічным, псіхалагічным асэнсаванні працэсаў, якія адбываюцца пошуках выхаду, прагназаванні перспектыў. (Да Чытачоў, Валерый Карбалевіч, фрагмент)