Свабода (Тут і цяпер)

Вязні сумненняў Перамагаць трэба не ўладу, а саміх сябе Чарговая акцыя пратэсту прадпрымальнікаў была не такой шматлюднай, як папярэдняя. З аб’ектыўных прычынаў: большасць лідэраў руху гэтым часам сядзела за кратамі. Аднак нават 10 студзеня, калі ўсе яшчэ былі на волі, поспех быў досыць абмежаваны. Так, з аднаго боку, прадпрымальнікі рашуча прыйшлі на Кастрычніцкую плошчу і потым наладзілі маніфестацыю каля Дома Ураду. Але ж было іх, паводле самых аптымістычных падлікаў, каля 5 тысяч. Між тым, ад сумна вядомага указу №760 пацярпела каля 64 тысяч індывідуальных прадпрымальнікаў. А ёсць жа яшчэ іх наёмныя працаўнікі і родныя. Высвятляецца, што да актыўнага пратэсту гатовыя, лічы, некалькі адсоткаў.