Бацькаўшчына

Сёмы зборнік гістарычнай літаратуры «Бацькаўшчына» прысвечаны знакамітай постаці X ст.— Рагнедзе (960? — 1000), дачцэ першага летапісна вядомага полацкага князя Рагвалода. Рагнеда-Гарыслава — родапачынальніца незалежнай дынастыі ўладароў Полацкай зямлі, легендарная князёўна-пакутніца — услаўлена летапіснымі радкамі «Аповесці мінулых гадоў», творамі К. Рылеева, Т. Шаўчэнкі, Я. Купалы, П. Крэчэўскага, Л. Шпакоўскага-Случаніна... Пісьменнікі пазнейшых пакаленняў — I. Багдановіч, Д. Бічэль, Т. Бондар, В. Лукша, А. Разанаў, К. Тарасаў, А. Петрашкевіч, I. Чыгрынаў, А. Дудараў і многія іншыя таксама выяўлялі драму і подзвіг яе жыцця, ствараючы багатую Рагнедзіяну, некаторыя творы якой увайшлі ў гэтую кнігу.