Старажытная паэзія Беларусі

З’яўленне паэтычнага слова — сведчанне высокага ўзроўню развіцця нацыі, знак надыходу Новага часу. Узлёт беларускай паэзіі назіраецца ўжо ў часы Рэнесансу і ранняга барока. У кнізе з далучэннем новых архіўных матэрыялаў асвятляецца творчасць першых айчынных паэтаў Ф. Скарыны, С. Буднага, А. Рымшы, Л. Мамоніча, Л. Зізанія, Г. Пельгрымоўскага, М. Сматрыцкага, I. Труцэвіча, Т. Іяўлевіча ды інш., паказваецца роля Нясвіжскага, Віленскага, Куцеінскага і Полацкага літаратурных гурткоў. Адрасуецца спецыялістам у старажытнай літаратуры, гісторыкам, усім, хто цікавіцца беларускай старасвецкай літаратурай.