Стольны град

Навагрудчына - гэта край, дзе ў свой час адбыліся знакавыя падзеі, што сталіся яркай вяхой у нашай гісторыі. Тут нарадзілася і мацнела Вялікае Княства Літоўскае; тут напісаны радкі Лаўрышаўскага Евангелля - рукапіснага помніка першай паловы XIV стагоддзя, якое несла ў тутэйшыя землі святло хрысціянства; тут у Шчорсах існавала з другой паловы XVIII стагоддзя да пачатку XX стагоддзя славутая на ўсю Еўропу бібліятэка, заснаваная магнатам Іахімам Храптовічам. У нашы дні праходзіць свята сярэднявечнай культуры "Навагрудскі фэст", які мае статус міжнароднага. (Васіль Кузьміч, Тут Міцкевіча ліра гучыць, фрагмент)