Абажур

Падцвердзіць ці абвергнуць інфармацыю, атрымаць камэнтар у беларускіх чыноўнікаў журналістам становіцца ўсё складаней. Чаму прэс-службы міністэрстваў і ўстаноў замест дапамогі часцяком ускладняюць журналістам працу і чыняць ім перашкоды? На ніводзін з пісьмовых запытаў «Свабоды» прэс-служба МУС не адказала Напрыканцы лістапада знялі з пасады прэссакратара Міністэрства ўнутраных спраў Георгія Яўчара, які прабыў кіраўніком прэс-службы менш за 9 месяцаў. За гэты час лічаным журналістам незалежных СМІ ўдалося датэлефанавацца да падпалкоўніка і толькі шчасліўчыкам — атрымаць камэнтар. Карэспандэнтам «Свабоды» двойчы ўдалося датэлефанавацца да Яўчара, але ў адказ было: «Пішыце афіцыйны запыт». На ніводзін з пісьмовых афіцыйных запытаў «Свабоды» прэс-служба МУС не адказала.