Беларускі Праваслаўны каляндар

Сёлетні «Беларускі Праваслаўны каляндар» складаецца з традыцыйнай каляндарнай часткі, якая ўключае Месяцаслоў і Іменаслоў, а таксама тэматычнага дадатка. У Месяцаслове прыводзяцца неабходныя звесткі пра штодзённыя богаслужэнні, дні памяці святых. Святым, якія ўваходзяць у Сабор Беларускіх святых, у адпаведныя дні прыводзяцца тэксты трапароў і кандакоў на царкоўнаславянскай і беларускай мовах. Дадатак «Календара» ўтрымлівае чатыры раздзелы. Першы прысвечаны 35-годдзю Сабора Беларускіх святых. У ім прыводзіцца кароткае жыццеапісанне і Слова на Узнясенне Гасподняе свяціцеля Кірыла, епіскапа Тураўскага ў перакпадзе на сучасную беларускую мову. Другі раздзел «3 гісторыі Мінскага архіерэйскага дома» раскрывае гісторыю падвор'я Мінскіх архіерэяў з моманту яго заснавання і да знішчэння ў пачатку 1930-х гадоў. Наступны раздзел прысвечаны адпюстраванню тэмы святасці зямлі Беларускай у мастацкай творчасці. Чарговы мастацкі плэнэр, які адбыўся ў Маладзечанскай епархіі, раскрывае ў мастацкіх вобразах жыццё і служэнне блажэннай Валянціны Мінскай. У раздзеле «Асабліва шанаваныя іконы Маці Божайў Беларусі» прыводзіцца кароткая інфармацыя пра іконы, месца іх яўлення і сучаснага знаходжання. Выданне падрыхтавана Брацтвам у гонар Віленскіх мучанікаў Антонія, Іаана і Яўстафія ў Мінску. Адрасавана свяшчэннаслужыцелям, прыхаджанам, дзеячам культуры, журналістам.