Слонімскі край

У 1892 годзе ў Слоніме нарадзіўся Яўген Халімонавіч Дацкевіч, чалавек з трагічным лёсам. У архіве УФСБ па Архангельскай вобласці захаваліся матэрыялы пра яго. З іх вынікае, што ў Дацкевіча была сярэдняя спецыяльная адукацыя, напярэдадні Першай сусветнай вайны ён працаваў землямерамземляўпарадчыкам. На допыце ў 1920-м ён расказваў чэкістам, што з 1906 года (з 14 гадоў!) царскія ўлады яго пераследавалі за палітычную дзейнасць, некалькі разоў даводзілася сядзець у турме. Вядома, што Яўген Дацкевіч з красавіка 1917 года быў сябрам Партыі сацыялістаў-рэвалюцыянераў. Якім чынам слонімец трапіў у Архангельск? Вясной 1917-га ён уваходзіў у Віцебскі Савет рабочых, салдацкіх і сялянскіх дэпутатаў.