Абажур

Курапаты — гэта ўвогуле складанае месца і тэма для журналісцкай працы. Складанасць у тым, што ў паняцце «Курапаты» амаль кожны грамадзянін Беларусі ўкладае свой, адрозны ад іншых сэнс. Гісторыя і ўспрыняцце Курапатаў цягнуцца з мінулага стагоддзя. Для забудоўшчыкаў гэта кавалак зямлі, на якім можна паставіць дамок. Мы выслухалі шмат дзіўных аргументаў з боку завадатараў гэтага бізнесу і іх абаронцаў. Напрыклад, што ў Брэсцкай крэпасці таксама працуюць кавярні — і нічога. Што ўвесь Мінск стаіць «на костках». Што рэстарацыя ніяк не шкодзіць Некропалю ды іншае. Але ж гэта не проста месца. Рэдактарка «Новага часу» Аксана Колб падкрэслівае: «Курапаты — гэта не могілкі, не месца пахавання. Гэта месца масавых расстрэлаў.