Сучасныя педагагічныя тэхналогіі на ўроках беларускай мовы і літаратуры

Дапаможнік пазнаёміць настаўніка з асаблівасцямі і методыкай канструявання і правядзення нетрадыцыйных па форме заняткаў, фарміравання ў школьнікаў матывацыі да навучання, выкарыстання асобасна-арыентаваных і інфармацыйна-камп’ютэрных тэхналогій. Рэкамендуецца настаўнікам, студэнтам філалагічных факультэтаў ВНУ і ўсім, хто цікавіцца тэхналогіямі сучаснага ўрока. Рэкамендавана Навукова-метадычнай установай «Нацыянальны інстытут адукацыі» Мiнiстэрства адукацыi Рэспублікі Беларусь. Рэцэнзенты: дацэнт кафедры методыкі выкладання беларускай літаратуры і краязнаўства Брэсцкага дзяржаўнага універсітэта імя А. С. Пушкіна Г. С. Гарадко, метадыст аддзела каардынацыі метадычнай работы Мінскага гарадскога дзяржаўнага інстытута павышэння кваліфікацыі і перападрыхтоўкі кадраў адукацыі С. В. Дамброўская.