Адукатар

Па выніках Фестывалю нефармальнай адукацыі — 2016, у якім узялі ўдзел шматлікія прадстаўнікі правайдараў адукацыі дарослых, іншых зацікаўленых структур і эксперты як з Беларусі, так і іншых краін, былі вызначаны асноўныя праблемы і выклікі ў развіцці нефармальнай адукацыі дарослых, а таксама шляхі і канкрэтныя крокі ў дзейнасці па іх вырашэнні. Сярод прыярытэтных і важных накірункаў дзейнасці ў галіне адукацыі дарослых былі адзначаны: стварэнне спрыяльных рамкавых і аднолькавых умоў для дзейнасці правайдараў адукацыі дарослых усіх формаў уласнасці; распрацоўка і прыняцце нацыянальнай стратэгіі развіцця навучання на працягу ўсяго жыцця; папулярызацыя і падтрымка адукацыі дарослых; садзейнічанне інтэграцыі ў міжнародную адукацыйную прастору.