Краязнаўчая газета

«Краязнаўчая газета» выдаецца з красавіка 2003 г. Штомесяц выходзіць чатыры нумары. На старонках выдання змяшчаюцца артыкулы мясцовых краязнаўцаў, прысвечаныя гісторыі і традыцыям рэгіёнаў нашай краіны, даследаванні навукоўцаў пра гісторыю, этнаграфію, фальклор і архітэктуру, пра гістарычныя падзеі і асобаў, а таксама расповяды пра нашых землякоў, якія праславіліся не толькі ў ў Беларусі, але і за яе межамі. Асобная ўвага надаецца публікацыям пра досвед краязнаўчых пошукаў і працу музеяў у школах ды бібліятэках краіны. Сярод найбольш папулярных рубрыкаў — «Малая краязнаўчая энцыклапедыя», «Асоба ў краязнаўстве», «Наша гісторыя: ідэі, падзеі, асобы», «З бібліятэкі „КГ“», «На паліцу краязнаўцы», «Царкоўнае краязнаўства», «Даследуюць вучні», «Рэгіён», «Землякі», «Спадчына ў небяспецы». Цягам году запускаюцца адмысловыя рубрыкі, прымеркаваныя да знакавых падзеяў году: «З нагоды Году роднай зямлі», «Да тысячагоддзя першай згадкі назвы Літва» ды іншыя, некалькі гадоў існуе рубрыка, заснаваная сумесна з рэспубліканскай акцыяй «Жыву ў Беларусі і тым ганаруся». Сёлета 4-я стар. кожнага нумара аддадзеная тэматычнай паласе «Світанак Маладой Дзяржавы: Погляд з 2018-га».