Эцюды падарожжа

Зборнік „Эцюды падарожжа” быў надрукаваны ў 1991 г., аднак ён быў гатовы да друку ў 1986 г. У ГП БГКТ праляжаў 4 гады. Амаль усе вершы зборніка друкаваліся раней на старонках „Нівы” і ў каляндарах БГКТ. Пад кожным вершам паказаны год, калі ён быў напісаны. Рэдактарам зборніка быў беларускі паэт Віктар Швед. Ён напісаў на пачатку зборніка ўступ да яго. Вершы ў зборніку аўтар пасвяціў тэмам, якія зацікавілі яго ў час падарожжа і асобам, якія там сустракаў. Некалькі вершаў напісаў у Югаславіі і Індыі, дзе працаваў ён, як праекціроўшчык на аўтарскім наглядзе ў час будовы электрастанцый, другія працуючы гідам і выязджаючы на замежныя экскрсіі з польскімі турыстамі і калі ездзіў па Польшчы з замежнымі турыстамі.