Маё Падляшша

Зборнік „Маё Падляшша” быў надрукаваны ў 1993 г, аднак быў гатовы да друку ў 1986 г. У ГП БГКТ праляжаў 6 год. Амаль усе вершы са зборніка друкаваліся раней на старонках „Нівы”, ў каляндарах і ў выданнях ГП БГКТ. Пад кожным вершам паказаны год, калі ён быў напісаны. Рэдактарам зборніка быў беларускі паэт Віктар Швед, ён напісаў напачатку ўступ да гэтага зборніка. Вершы ў зборніку аўтар прысявціў тэме Падляшша, яго роднай вёсцы, і ваколіцы, жыццю там у перадваенны і пасляваенны перыяд, а таксама асобам, з якімі ў той час меў сустрэчы. Верш „Лідзіі Р.” Аўтар пасвяціў дзяўчыне, з якой пражыў два гады (1943-45 г.г.) ў часы нямецкай акупацыі на прымусовай працы ва Ўсходняй Прусіі.