Сучасная народная лексіка

Гэтая кніга — другая частка збору дыялектнай лексікі з усходу Беларусі. Першая частка (А-Н) выйшла ў 1993 г. пад гэтай жа назвай. У кожным слоўнікавым артыкуле падаюцца тлумачэнні, неабходныя граматычныя і стылістычныя паметы. Шырока паказана форма- і словаўтваральная сістэма гаворкі, яе эмацыянальна-вобразная афарбоўка. Кожнае слова забяспечана ілюстрацыйным матэрыялам, які адлюстроўвае асаблівасці мовы рэгіёна. У слоўніку знойдуць карысны для сябе матэрыял мовазнаўцы, выкладчыкі і студэнты філалагічных факультэтаў ВНУ. Прыдасца матэрыял слоўніка пісьменнікам, журналістам, работнікам друку і ўсім, не абыякавым да жыцця роднага беларускага слова. З магчымасцю пошуку і капіявання.