Правы дзіцяці ў навучальным працэсе

Беларускія педагогі-практыкі разам з дацкімі калегамі зрабілі сучасны метадычны дапаможнік для настаўнікаў. Прапануем паглядзець нават тым, хто не ў тэме правоў чалавека, бо там шмат метадычных парадаў, ідэяў, як зрабіць урок цікавым і прадуктыўным. Кніга выйшла ў выдавецтве "Лімарыўс" у Мінску у 2017 г. Гэты метадычны дапаможнік складаецца з даведачнай інфармацыі, практыкаванняў і методык, якія дазваляюць вам, як настаўнікам: • планаваць вучэбныя праграмы па тэме правоў дзяцей; • абмяркоўваць і планаваць стварэнне атмасферы ў класе, якая б спрыяла павазе да правоў вучняў; • узмацняць правы дзяцей, вучнёўскія рады, а таксама пашыраць удзел вучняў і бацькоў у жыцці школы. Матэрыялы дапаможніка арыентаваны на настаўнікаў сярэдняй школы, якія працуюць з вучнямі 8–11-х класаў, але могуць быць адаптаваныя для іншых класаў.