Слонімскі край

Вось і настаў час развітацца з 2017 годам. Быў ён шмат для каго нялёгкім, няпростым. Але адначасова багатым на падзеі: пазітыўныя і негатыўныя, радасныя і сумныя, нават трагічныя. Слонім на працягу года рэгулярна трапляў у стужкі інфармагенцтваў. Відэазапіс з неспадзявана шматлюднай сакавіцкай вулічнай акцыі на YouTube набраў 130 тысяч праглядаў. Уся краіна была ў шоку ад абставін гібелі скульптара Леаніда Богдана. З’явілася на-дзея, што будзе адрэстаўраваная сінагога, помнік архітэктуры сярэдзіны XVII стагоддзя, і ў ёй з’явіцца музей. А вось абяцанага помніка старосце Льву Сапегу так і не дачакаліся.