Гасцінец

Праз 100 гадоў пасля “Вялікага Кастрычніка” наш раён атрымаў такую ўраджайнасць збожжавых, якая ўжо была … 100 гадоў таму ў развітых краінах Заходняй Еўропы. Яшчэ ў 1908 – 1912 г.г. сярэдняя ураджайнасць у Бельгіі, Галандыі, Даніі, Швейцарыі, Англіі, Германіі і Швецыі складала ад 18 да 23 ц/га. Факт застаецца фактам, але праз 100 гадоў пасля такой “лёсавызначальнай падзеі” кукуруза – царыца палёў, як яе красамоўна называюць, – засталася на бешанковіцкіх палетках зімаваць. Сёння яе збіваюць, топчуць, заворваюць, адным словам, пазбаўляюцца ўсіх доказаў яе існавання.