Слонімскі край

Дзед сланімчанкі Марыі Ляцецкай Піліп Сяргеевіч Шчарбакоў у пачатку ХХ стагоддзя будаваў на Шчары шлюзы, а бацька Ілья Піліпавіч Шчарбакоў усё жыццё служыў псаломшчыкам у слонімскай Свята-Троіцкай царкве (цяпер — саборы). Піліп Шчарбакоў родам быў з Расіі, з Разанскай губерні. Ён прыехаў на Слонімшчыну яшчэ маладым чалавекам у канцы XIX стагоддзя. На малой радзіме ў яго было цяжкае жыццё, ды і сям’я ў іх была вялікая. У Слонім яго паклікаў знаёмы інжынер, прапанаваў працу на будоўлі шлюзаў.