Беларуская Хрысціянская Дэмакратыя

“Беларуская хрысціянская дэмакратыя: 1917-2017” – не проста кніга пра палітычную партыю ці ідэалогію. Гэта і жыццяпіс шляху сотняў забытых герояў, якія пайшлі на пакуты і смерць дзеля Бога і Беларусі. Гэта і наўпроставы адказ тым, хто святкуе сёлета стагоддзе самай крывавай у гісторыі чалавецтва рэвалюцыі. Гэта і разважанне пра самую эфектыўную незалежніцкую арганізацыю міжваеннага часу – Беларускую Хрысціянскую Дэмакратыю. І гэта, упэўнены, расповед пра будучыню Беларусі. У кнізе ўпершыню пад адной вокладкай сабраныя разам агляд хрысціянскай дэмакратыі як ідэалогіі, гісторыя дачыненняў веры і волі ў тысячагоддзі беларускай гісторыі, і разгледжаныя феномены беларускай хрысціянскай дэмакратыі апошніх 100 гадоў – Канстытуцыйна-каталіцкая партыя Літвы і Беларусі і БХДЗ, БХД і БНА, БХДП і ХДВ, Малады Фронт і МХСС, КХП БНФ – і адноўленая БХД. (Ад аўтара, фрагмент)