Заходне-руская вясковая абшчына ў XVI стагоддзі

У апошні час па пытанню аб вясковай абшчыне ў межах Літоўска-рускай дзяржавы з’явілася ў літаратуры два супрацьлеглыя меркаванні. Праф. Уладзімірскі-Буданаў у вельмі ўдалым сваім артыкуле аб формах сялянскага землеўладання ў літоўска-рускай дзяржаве , паказаў на нешматлікія дадзеныя аб вясковай абшчыне, вядомыя із надрукаваных крыніц і прыйшоў да высновы аб існаванні вясковай абшчыны на заходне-рускіх землях. Галоўная аснова заходне-рускай абшчыны – абшчыннае валоданне зямлёй. “Зямля ўсёй вёскі, - кажа паважаны навуковец, - некалі была ў распараджэнні ўсёй вёскі, якая ўжо потым размяркоўвае яе на дворышчы, а некаторыя пакідае ў агульным карыстанні, і што гэта апошняе можа адносіцца не толькі да добраў(лясныя ўваходы, борці, права палявання і інш), але і да распрацаваных дзялянак; распрацоўка робіцца агулам”