Гісторыя Беларусі

Цяжка вызначыць, калі з’явілася назва Беларусі і беларускага народу. Ва ўсякім разе, гэтым імем наш народ звецца з вельмі даўняга часу; бязпрэчна і тое, што назва Беларусь з’явілася значна раней чым назвы Вялікая і Малая Русь. Гэта найменне з’явілася прыблізна тады, калі ў канчатковай форме пачынае складацца сама беларуская народнасць, пад час калі асобныя плямёны дрэгавічэй, радзімічэй і крывічэй полацкіх і смаленскіх канчаткова адрываюцца ад астатняй Русі і ўтвараюць самастойную дзяржаву разам з літоўскім племем – дзяржаву Літвы і Русі. Гэты перыяд прыходзіцца на першапачатковы час стварэння гэтай дзяржавы значыць на XIII і пачатак XIV ст.