Наша Ніва

Парад 3 Ліпеня прайшоў у Мінску а 10-й гадзіне раніцы. У ім узяло ўдзел больш за 3000 вайскоўцаў і больш за 300 адзінак вайсковай і мірнай тэхнікі. «Баявы арсенал, якім мы валодаем, сёння будзе паказаны падчас параднага маршу. Кожны зможа пераканацца: у нас ёсць усё неабходнае, каб даць адпор любому агрэсару», — адзначыў у прамове перад парадам Аляксандр Лукашэнка. Прамаршыравалі вайскоўцы — у тым ліку дэсантнікі з суседняй дзяржавы, — праехала тэхніка. Як і ў мінулыя гады, мы пабачылі гібрыд маскоўскіх парадаў і бээсэсэраўскіх «шэсцяў працоўных" перад трыбунай з кіраўніцтвам.