Вожык

Трапляючы на чарговую навіну аб затрыманні наркадылера, ці ўзнікала ў вас пытанне: а навошта людзі пачынаюць займацца продажам і перавозкай «дурману»? Звычайная прага да лёгкіх грошай, а можа, вялікая нелюбоў да ўсяго чалавецтва? Пэўна, гэта пытанне яшчэ доўга будзе лічыцца рытарычным. Яго, дарэчы, задалі беларусу, якога затрымалі на пункце пропуску «Брузгі» ў Гродзенскай вобласці, калі знайшлі ў машыне 78 кілаграмаў гашышу. Агульны кошт наркотыка склаў каля двух мільёнаў долараў. Мужчына не змог даць аніякага апраўдальнага адказу ці растлумачыць свой зламысны ўчынак.