Publication Place: Менск
Publication Date: 2003
Editor: Васючэнка Пятро, Сіўчыкаў Уладзімір
Editorial Staff: Алісейчык Г. У., Баршчэўскі Л. П., Грыгалюнас В. А., Дранько-Майсюк Л. В., Дудараў А. А.;
Publisher: Сэр-Віт
Category: Belles-Lettres
Book Collection: KAMUNIKAT — this site (online version)
Supplementary Data: Біябліяграфічныя даведкі Раісы Шастак; Рэцэнзент: кандыдат філасофскіх навук В. М. Іўчанка; Выданне падрыхтавана пры садзеянні ТАА „Радыёла-плюс” --
Адметнасць драматургіі абумоўлена натуральнымі, набліжанымі да чалавечага дыцця законамі яе існавання. Працэс стварэння п’есы можна назваць ачалавечваннем жыццёвага матэрыялу. Дае нараджэнне п’есе: аўтар, драматург. Пераўтварэнне п’есы ў спектакль дасягаецца творчымі высілкамі рэжысёра, акцёраў ды іншых майстроў сцэны. Элементы тэатральнага дзеяння – дыялог, жэст, міміка, мізансцэны -- таксама імітуюць чалавечае жыццё. Драматург стварае мрою, ілюзію, але гэтая ілюзія такая жывая, выразная і пераканаўчая, што можа падацца больш рэальнай, чым самое жыццё. Драматургія – гэта літаратура. Яна самакаштоўная. Існуюць гурманы драматургіі, якія перакананыя, што чытанне дыхтоўнай п’есы і „пастаноўка” яе ўнутро сябе, ва ўласным уяўленні замяняюць культпаход у тэатр. Хаця ідэальны працяг літаратурнага жыцця п’есы – на сцэне. Магчымасць другога (сцэнічнага) нараджэння твора таксама складае феномен драматургіі. (П. Васючэнка, Слова складальніка, фрагмант)
Catalog: Kamunikat.org