Кароткі нарыс гісторыі Беларусі

Віктар Ярмалковіч нарадзіўся 23 снежня 1917 года ў вёсцы Юшкі Віленскага вая-водства. Вучыўся ў Беларускай гімназіі ў Вільні. Пасля прадаўжаў навуку на Юрыдычным факультэце Універсітэта Стэфана Баторыя. Супрацоўнічаў з часопісам „Крыніца”. За дзейнасць у беларускім студэнцкім руху быў пасланы сана-цыйнымі ўладамі ў канцлагер у Картуз-Бярозе. У 1944 годзе разам з жонкай Аўгінняй трапіў у Біскупец, што на Мазурскім паазер’і. У 1949 г. былі яны арыштаваны энкавэдзістамі і вывезены ў Сібір, дзе прабывалі да 1956 года. Пасля вызвалення з сібірскай ссылкі Ярмалковічы вярнуліся ў Біскупец. Віктар Ярмалковіч, працуючы медыкам, цэлы свой свабодны час прысвяціў вывучэнню гісторыі свайго народа. Напісаў 17 прац, якія да 1989 года, ва ўмовах цэнзуры, не маглі друкавацца. Пасля ўспамінаў (у зборніку Лёс аднаго пакалення), Кароткі нарыс гісторыі Беларусі да 1914 года з’яўляецца яго другой працай, выдадзенай Праграмнай радай тыднёвіка „Ніва”. Раней некаторыя яго навуковыя распрацоўкі друкаваліся невялікім тыражом у эміграцыйных беларускіх выданнях. Віктар Ярмалковіч памёр у 1987 годзе.