З Мора ў горад

Віктар Швед - паэт, перакладчык, публіцыст, грамадскі дзеяч. Нарадзіўся 23 сакавіка 1925 года ў вёсцы Мора на Беласточчыне. Дэбютаваў 24 сакавіка 1957 г. вершам „Я - беларус” у тыднёвіку „Ніва”. Піша на беларускай і польскай мовах. Член Саюза польскіх пісьменнікаў і ганаровы - Саюза пісьменнікаў Беларусі. Сузаснавальнік і шматгадовы старшыня Беларускага літаратурнага аб’яднання „Белавежа”. Апублікаваў 16 зборнікаў вершаў (Жыццёвыя сцежкі, Дзяцінства прыстань, Дружба, Мая зялёная Зубровія, Родны схоў, Вясёлка, Wiersze wybrane, Вершы Натальцы, Выбраныя вершы, Lata wiatr skrzydlaty, Śmiech nie grzech, Mae Айчыны, Przemijanie, Смяшынкі, Śmieszynki, Адплываем з Mopa) - 9 для дарослых і 7 для дзяцей. Яго вершы ўвесь час друкуюцца на старонках „Нівы” і „Зоркі”, дзе мае пастаянную рубрыку „Вершы Віктара Шведа”. Правёў звыш тысячы аўтарскіх сустрэч. Многія творы паэта пакладзены на музыку.