Паэты-цары: Трыццаць пяць беларускіх малюнкаў

За зборнік апавяданьняў “Паэты-цары” Лявон Вашко ў 1997 годзе атрымаў літаратурную прэмію “Гліняны Вялес”, якую з 1993 года прызнае Таварыства Вольных Літаратараў. Як напісалі на адным з блогаў чытачы "Паэты-цары" Лявона Вашка гэты суцэльны далікатэсны кайф! Насамрэч, творчасьць Лявона Вашка – выключна для чытачоў з вытанчаным літаратурным густам, з выпрацаванымі навыкамі чытаньня і шуканьня схаванага, другадоннага, для тых, каму чытаньне – не спосаб забіць час, а сьвята для душы. Ёсьць кнігі, якія і раз прачытаць – зашмат – шкада часу. Творы Вашка, чытаныя шматкроць, – не страта часу, а адвечны пошук чарговага, укрытага, шматпланавага, нештодзённага. Дпа ягоных апавяданьняў можна вятрацца і дзень па дні, і праз месяцы, і праз гады. І кожны новы падыход будзе першым. (Н.Г.)