Беларускі гістарычны часопіс

Звяртаем вашу ўвагу на матэрыялы, надрукаваныя ў лістападаўскім нумары часопіса. Адкрывае яго артыкул вядомага беларускага гісторыка Дзяніса Дука “Полацк і Полацкая зямля ў ІХ—Х стагоддзях: вытокі беларускай дзяржаўнасці”. Гэта своеасаблівая рэцэнзія на раздзел “Полоцкая земля” з найноўшага фундаментальнага навуковага выдання “Русь в ІХ—Х веках: археологическая панорама”,што было падрыхтаванае расійскімі навукоўцамі і выдадзена ў 2012 г. у Маскве пад грыфам “1150 лет российской государственности”. Аўтар артыкула коратка расказвае пра змест раздзела, звяртае ўвагу на найбольш значныя высновы, прапанаваныя яго аўтарам, расійскім археолагам І.Ерамеевым. Беларускі даследчык палемізуе з некаторымі з іх, якія тычацца месца і ролі Полацка і Полацкай зямлі ў палітычнай сістэме Старажытнай Русі.