Вожык

Сусветна вядомы мастак-карыкатурыст, грамадскі дзеяч. На яго рахунку звыш пяці тысяч малюнкаў. Нарадзіўся ў Берліне (Германія). Неўзабаве пасля пачатку Першай сусветнай вайны сям’я Бідструпаў вяртаецца ў Данію, дзе хлопчык пад кіраўніцтвам бацькі, мастака-дэкаратара, пачынае займацца маляваннем. Пасля заканчэння школы Херлуф паступае ў Каралеўскую акадэмію мастацтваў, каб вучыцца жывапісу. Але вядомасць і прызнанне ён заваяваў пазней сваімі надзвычай адметнымі, трапнымі карыкатурамі. Рэцэнзенты, не змаўляючыся, адзначылі гумар на іх як «тыпова дацкі».