Беларусы ў свеце

Канцэртнае турнэ па Злучаных штатах Амерыкі гурта “Стары Ольса” можна параўнаць з гастролямі па ЗША ансамбля “Песняры” ў 1976 годзе. На сяброўскай сустрэчы музыканты адказалі на пытанні, падзякавалі гукарэжысёру, дызайнеру і валанцёрам, якія дапамаглі збіраць сродкі на альбом і на тур, а пасля запрасілі ўсіх на прэзентацыю альбома, якая адбудзецца 20 лістапада ў ДК МАЗ. Музыкі наведалі 20 штатаў, адыгралі 23 вялікія канцэрты ў гарадах і зрабілі 35 выступаў на фестывалях і ў клубах. Частка музычнага матэрыялу складалася з кавераў у медыявальным стылі на сусветна вядомыя рок-хіты з альбома “Medieval Classic Rock”, частка – з аўтарскіх твораў і апрацовак старажытных беларускіх мелодый. Альбом быў выдадзены амерыканскай фірмай “Cool Hat Records LLS”.