Кніганоша

Шаноўная Валянціна Іванаўна, у выдавецтве «Кнігазбор» у серыі «Бібліятэчка часопіса «Дзеяслоў» нядаўна выйшла Вашая новая кніга «Дзікая сліва». Адкуль у кнігі такая назва? – Перш, чым нешта вытлумачваць пра назву, хачу яшчэ раз схіліцца ў падзячным кніксане перад выдаўцамі. Яны зрабілі «Дзікай сліве» шчаслівы чытацкі лёс і трошкі прыемных момантаў аўтарцы, ад якіх яна стала мо крыху менш «дзікай». Бо, калі верыць мысляру Валянціну Акудовічу, (а яму не верыць у мяне няма ніякіх прычынаў), які сказаў на прэзентацыі кнігі, што яе назва дакладна характарызуе аўтарку, то я ўся такая ж калючая, як тая палесцінская дзічка.