Царкоўнае слова

З прамовай на канферэнцыі выступіў старшыня руху «За Свабоду» Аляксандр Мілінкевіч. «У дэмакратычнай апазіцыі Беларусі фактычная большасць людзей вераць у еўрапейскую будучыню краіны і ведаюць, што мы еўрапейцы не толькі геаграфічна, але і па гісторыі, па мове, па культуры, – патлумачыў Мілінкевіч. – І адзінага, чаго апошнім часам не хапае, дык гэта веры ў тое, што ў нас атрымаецца. Калі мы прыходзім да людзей і кажам пра еўрапейскі выбар, часта чуем: «Нас там ніхто не чакае». Там увогуле нікога не чакаюць. Там і Польшчу не чакалі, і Эстонію не чакалі. Трэба выказаць пэўную ідэю і пайсці туды пагрукацца і сказаць: “Мы таксама з вашай сям’і, мы хочам вярнуцца ў яе“. Не далучыцца – вярнуцца. Трэба людзей пераконваць, што ў нас ёсць шанец”.