Кніганоша

Ала Петрушкевіч: «Імкнуся сцвярджаць любоў...» – Шаноўная Ала Мікалаеўна, у выдавецтве «Кнігазбор» у серыі «Кнігарня пісьменніка» нядаўна выйшла Вашая кніга «Пра тое, што люблю». Распавядзіце, калі ласка, як узнікла задума гэтай незвычайнай кнігі і чаму яна выйшла пад псеўданімам? – Гэтая кніга з тых, якія пішуцца ўсё жыццё. Колькі пішу, столькі пісала яе. Нат тады, калі не пісала. Хто прачытаў, той зразумее. Пад псеўданімам, бо пачалося маё новае жыццё, дзе павінна быць і новае імя. Бо хацела вярнуць, ажывіць прозвішча маёй бабулі па кудзелі, якое так трагічна і недарэчна было страчана ў нашай сям’і, хоць мела бабуля ажно пецярых братоў.