Весткі й Паведамленьні

Шаноўныя cябры, запрашаем разам адзначыць старадаўнюю традыцыю Купальля і правесьці незабыўны адпачынак у кампаніі суродзічаў на ўлоньні прыроды. Чароўны купальскі вечар пачнецца з прызначэньня гаспадароў сьвята Князя-Купаліша і Купалінкі, якія распаляць вогнішча. Уночы нячысьцікі выкрадуць Купалінку... Каб даведацца пра іншыя падзеі і абрады купальскай ночы, далучайцеся да нас. Пачастуйцеся крупнікам, у склад якога па традыцыі ўваходзяць 27 лекавых траваў. Скокніце праз вогнішча з тым, хто вам не абыякавы, не разьняўшы рук. Можа, каму з вас пашанцуе знайсьці сваю папараць-кветку ў гэтую чароўную ноч.