Бярозка

Спачатку трэба падагрэць малако (каб было цёплым, але ніколечкі не гарачым), потым дадаць у яго дрожджы, адно яйка, цукар, соль, алей — і ўсё перамяшаць. Пасля далучыць муку і замясіць цеста. Прыблізна гадзіну яно павінна пастаяць у цёплым месцы, каб «падрасці». Дрожджы — кулінарныя асілкі — будуць працаваць яшчэ лепш, калі посуд з цестам накрыць ручніком. Маса павінна павялічыцца ўдвая. Калі патрэбны час прайшоў, і ты, дружа, дачакаўся, — прымайся за працу. Ад цеста адскубвай невялікія кавалачкі, на злёгку прысыпанай мукою паверхні «катай» шарыкі і выкладай іх на бляху (яе трэба падрыхтаваць: заслаць пергаментнай паперай і вышмараваць алеем) на адлегласці 5 сантыметраў адзін ад аднаго.