Рунь

Газэта “Рунь” была заснаваная віленскім Таварыствам беларускай культуры ў 1997 годзе. Выходзіла раз на месяц на 8 старонках; наклад 1 000 асобнікаў. Газэта не атрымлівала аніякай дапамогі ні ад літоўскай дзяржавы, ні ад нейкіх фундатараў. Рэдактар “Руні” Алег Мінкін так тлумачыў для Радыё Свабода прычыны посьпеху газэты: "Для нашай газэты важна, што яна выдаецца менавіта ў Вільні. Вільня — месца прыцягненьня як беларусаў зь Беларусі, так і з усяго беларускага замежжа. Геаграфічна мы вельмі блізкія да Беларусі, ды й Вільня — наша гістарычная сталіца. Усё гэта спрыяе таму, што мы існуем практычна без усялякай дапамогі, і сілкуемся сваімі ўласнымі сокамі".