Загадкі беларускай гісторыі

Новая гістарычная праграма «Белсату» з прафесарам Аляксандрам Краўцэвічам. У кожнай з 14 серыяў выбітны беларускі гісторык наведвае знакавыя мясціны нашай мінуўшчыны, каб прыпомніць важныя але малавядомыя ці зусім невядомыя падзеі і таямніцы, з імі звязаныя. У Берасці, на тэрыторыі Берасцейскае крэпасці, месціцца адзіны ў свеце музей раскапанага археолагамі сярэднявечнага ўсходнеславянскага гораду. Чаму старажытны горад паставілі на балоце? Чаму ён пахаваны пад умацаваннямі царскае крэпасці? Чаму раскапаныя і закансерваваныя пабудовы ў закрытых павільёнах музею гніюць і раскладаюцца? Як доўга яшчэ існаваць падземнаму гораду-музею?

www.belsat.eu