За правы чалавека

Выканаўчы камітэт Віцебскага раёну адным зь першых на Віцебшчыне вызначыўся зь месцамі, у якіх забаронена правядзеньне пікетаваньняў для збору подпісаў па вылучэньні кандыдатаў у прэзыдэнты Рэспублікі Беларусь. Згодна з апублікаваным рашэньнем, выканаўчы камітэт забараніў зьбіраць подпісы «на адлегласьці менш за 20 мэтраў ад будынкаў сельскіх выканаўчых камітэтаў, дзіцячых дашкольных устаноў, арганізацыяў аховы здароўя, воінскіх частак, будынкаў раённага аддзелу па надзвычайных сытуацыях установы «Віцебскае абласное ўпраўленьне Міністэрства па надзвычайных сытуацыях Рэспублікі Беларусь», аб’ектаў вода-, цепла- і энэргазабесьпячэньня».