Весткі й Паведамленьні

Сёлета сьвята 25-га Сакавіка – Дзень Волі й 97-я ўгодкі абвешчаньня незалежнасьці Беларускай Народнай Рэспублікі – было супольна адзначанае Беларуска-Амэрыканскім Задзіночаньнем (БАЗА) у Нью-Джэрзі й Беларуска-Амэрыканскім Згуртаваньнем “Пагоня” 29-га сакавіка ў Нью-Брансўіку, Нью-Джэрзі. У царкве сьв. Маці Божае Жыровіцкае Беларускай Аўтакефальнай Праваслаўнай Царквы ў Гайленд-Парку ля Нью-Брансўіка сьвятаром а. Зіновім была адпраўленая імша за Беларусь і беларускі народ. Сьвятар павіншаваў усіх беларусаў з нацыянальным сьвятам, і адзначыў, якую вялікую дапамогу аказваюць беларусы ў гэтыя цяжкія для Ўкраіны дні братам-украінцам