Магілёўскі выбар

20 сакавіка ў Магілёве адбыўся рэгіянальны сход мясцовых сяброў Грамадскага аб’яднання “Беларуская асацыяцыя журналістаў”. Мерапрыемства прайшло ў Грамадскім цэнтры “Кола”, усяго ў ім прыняло ўдзел больш за трыццаць сяброў ГА “БАЖ” і запрошаных гасцей з розных рэгіёнаў Магілёўшчыны. У госці да магілёўскіх журналістаў таксама завіталі і сябры праўлення ГА “БАЖ” з Мінска – намесніца старшыні арганізацыі Аліна Суравец і вядомая беларуская журналістка Таццяна Мельнічук.