Крывінка

У каментарах да артыкула “Двор Нізгалаўскія праблемы”, які быў размешчаны на сайце beshankovichy. by 27-га лютага, адзін з чытачоў напісаў мне наступнае: “Паважаны Георгій. Вы цікава разважаеце на сваёй старонцы на розныя тэмы, усё і ўсіх крытыкуеце, скардзіцеся на бяздзейнасць чыноўнікаў. Гаварыць і скардзіцца можа кожны. Але хацелася б даведацца пра Ваш асабісты ўклад у рашэнне апісаных Вамі праблем. Хацелася б прачытаць пра Вашыя прапановы. Магчыма, Вы ведаеце выйсце з такога становішча. Калі Вы здольныя бачыць праблемы людзей і ўсё разумееце, то можа б самі сталі кіраўніком і паказалі сваім асабістым прыкладам, як трэба працаваць. Вы напісалі, што пачыналі сваю працоўную дзейнасць у вёсцы Двор Нізгалава. Чаму ж Вы там не засталіся? Напэўна, адтуль паехалі ў пошуках лягчэйшага жыцця…” Багдан.