Клімавіцкая Інфа-Панарама

Звыклая, здавалася б, для беларускіх рэаліяў скандальная гісторыя з арыштам ініцыятара акцыі пратэсту грузаперавозчыкаў Сяргея Штоды, які ішоў на прыём да віцэ-прэм’ера, цікавая з некалькіх прычынаў. Найперш, варта адзначыць, што пагаршэнне сацыяльна-эканамічнага становішча вядзе да росту сацыяльнай напружанасці не толькі таму, што растуць цэны, падаюць заробкі, павялічваецца беспрацоўе. Канфліктнае поле значна шырэйшае. Справа ў тым, што ў пошуках крыніц папаўнення бюджэту, які рэзка абмялеў, улады шукаюць усё новыя спосабы, каб забраць грошы ў суб’ектаў гаспадарання і грамадзян. Вось увялі падатак на «дармаедаў». Прыдумалі нейкі дзіўны падатак на пазыкі.