„К ликвидации приступить…”

Ігар Кузняцоў - бадай адзін з самых вядомых на Беларусі даследчыкаў сталінскага тэрору. У той час, калі афіцыйныя ўлады Беларусі будуюць лініі Сталіна, адзначаюць дзень камуністычнага перавароту, ідзе замоўчванне генацыду беларускага народа з боку сталінскага рэжыму. А між тым лічбы закатаваных не могуць не шакіраваць. На пачатку рэпрэсіі вяліся ў адносінах да "класавых" ворагаў - заможных людзей, потым – супраць палітычнай намеклатуры, то потым пачалося павальнае і пагалоўнае вынішчэнне цэлага народа. Пацярпелі ўсе класы, усё грамадства. На Беларусі за дзесяць гадоў панавання новай “шчаслівай” улады былі знішчаны 85% прадстаўнікоў польскай нацыянальнай меншасці. Менавіта таму выданне і мае назву "З гісторыі палітычных рэпрэсій палякаў у 1930-1940-я гады." Будучае немагчыма без мінулага. А веданне такіх страшных момантаў генацыду ўладаў супраць свайго ж уласнага народу - важна для маладога пакалення. Паўтараць такія памылкі нельга, а забывацца на іх – немагчыма... (Н. Г.)